ABC (क्राईमबिट)
दाङ । ब्यक्ति हत्याको आरोपमा प्रहरीले एक जनालाई पक्राउ गरेको छ । शान्तिनगर गाँउपालिका वडा नं ३ स्थित चिराघाटको बेलडाँडा बस्ने बर्ष ६३ को कर्ण बहादुर मगरको हत्या गरेर फरार रहेका आफ्नै सहोदर कान्छो छोरा बर्ष १९ का गोपाल मगरलाई प्रहरीले पक्राउ गरेको जिल्ला प्रहरी कार्यालय दाङले जनाएको छ । यो घटना
गएको फागुन ४ गते अन्दाजी १ बजेको समयमा भएको थियो ।
आफ्नै घरमा तरकारी काट्ने फलामको चक्कुले घाँटीमा रेटी मारेको भन्ने सूचनाको आधारमा तत्काल प्रहरी चौकी चिराघाट र ईलाका प्रहरी कार्यालय खिलतपुर दाङबाट प्रहरी टोली खटिई गोपाललाई नियन्त्रणमा लिई थप आवश्यक अनुसन्धान भई रहेको जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले जानकारी दिएका छन ।
