(ABC-Sanchar)
बाँके । खजुरा बजारको सडक पीच गर्ने माग गर्दै बिहिबार बिहानदेखि नेपालगन्ज गुलरिया राजमार्ग अवरुद्ध गर्ने अराजक युवाहरुले पत्रकार र सन्चार माध्यमका सवारी साधनहरु चल्न रोक लगाएका छन् ।
उनीहरुले सर्वसाधारणहरुलाई अपशव्ढ प्र्रयोग गर्दै सवारी साधनहरु फिर्ता लैजान धम्की दिइरहेका छन् । आन्दोलनको नेतृत्वकर्ता कोही देखिदैनन् ।
युवाहरु हातमा लाठा बोकेर सवारी साधन चल्न रोक लगाएका छन् । नेपालगन्ज गुलरिया राजमार्गमा सन्चार माध्यम र पत्रकारका सवारी साधन चल्न नदिएर उनीहरु अराजतका मचाईरहेका छन् । सन्चारकर्मीहरुले खजुराको १८ सय मिटर फोर लेन सडक ४ वर्षसम्म पनि बनेन भनेर पटकपटक समाचार सम्प्रेषण गर्दै आएका छन् ।
तर उनीहरुकै सवारी साधन चल्न नदिएर पत्रकारहरुको मानमर्दन गरेका छन् ।
१८ सय मिटरको फोरलेन सडक ४ बर्षसम्म पीच नभएको भन्दै बिहिबार स्थानीयले नेपालगन्ज गुलरिया राजमार्ग बन्द गरिएको छ । राजमर्गा गरिएको बेस दुई सातामै उप्किएपछि धुलो उडेर स्थानीयलाई सास्ती खेप्नु परेको छ ।
खजुराको धनौली चौकीदेखि खजुरा १ नम्बरसम्को करिव अढाई किलो मिटर फोरलेन सडकको पीच उप्किएको हो । उक्त सडक निमार्णको जिम्मा गजुरमुखी कन्ट्क्सनले पाएको हो ।
१८ सय मिटरको सडक ४ वर्षदेखि निर्माणाधिनको क्रममा छ । सडक डिभिजन कार्यालय नेपालगन्जले भने निमार्णको कामको समयअवधि ६ महिना थपिएको जनाएको छ ।
