गृह मन्त्रालयले ५ जिल्लाको सिडियोहरुको सरुवा

(ABC-Sanchar)
काठमाडौं । गृहमन्त्रालयले ५ जिल्लाका प्रमुख जिल्ला अधिकारी हेरफेर गरेको छ । हुम्लामा सीता परियार, नुवाकोटमा सह–सचिव नारायणप्रसाद रिसाल, जाजरकोटमा रामबहादुर शाहीलाई सरुवा गरिएको छ । रुकुम पूर्वमा कृष्णबहादुर खड्कालाई पठाइएको छ ।

धनकुटामा युवराज कट्टेललाई प्रमुख जिल्ला अधिकारीको जिम्मेवारी दिइएको गृह मन्त्रालयका प्रवक्ता (सहसचिव) फणिन्द्रमणी पोखरेलले जानकारी दिनुभयो ।