झापामा ट्रकमा ठोक्किएको मोटरसाइकल पल्टिँदा एक जनाको मृत्यु भएको छ ।
बुद्धशान्ति गाउँपालिका–१ पुलचोकमा हिजो साँझ भएको दुर्घटनामा मोटरसाइकल चालक बुद्धशान्ति गाँउपालिका–४ का २५ वर्षीय अन्जन फागोको मृत्यु भएको हो । प्रहरीका अनुसार दुर्घटनामा घाइते भएका उनको उपचारका क्रममा बिर्तामोडस्थित बि एण्ड सि अस्पतालमा गएराती सवा ९ बजे मृत्यु भएको हो । फागोले चलाएको नम्बर नखुलेको मोटरसाइकल ना ३ ख ५४ ६२ नम्बरको ट्रकलाई ओभरटेक गर्ने क्रममा ट्रकमा ठोक्किँदा अनियन्त्रित भइ पल्टिएको प्रहरीले जनाएको छ । रासस
दुर्घटनापछि फरार भएका ट्रकका चालकको खोजीकार्य भइरहेको प्रहरीले जनाएको छ ।
