राष्ट्रिय अनुसन्धान विभाग ‘गुप्तचर’ निकायमा पनि अतिरिक्त मूख्य अनुसन्धान निर्देशक (एआईजी) बढुवाको रस्साकसी सुरु भएको छ । गुप्तचर विभागमा अतिरिक्त मूख्य अनुसन्धान निर्देशकको दरबन्दी एक मात्रै छ ।
हालका अतिरिक्त मूख्य अनुसन्धान निर्देशक यादव रेग्मीले २ दिनपछि ९ वैशाखमा अवकाश पाउने भएपछि रिक्त पदको बढुवाका लागि ७ जना अनुसन्धान निर्देशक डीआईजीहरू सुमन वैद्य, ओम जोशी, हुतराज थापा, टेकेन्द्र कार्की, हरिहर पौडेल, कुलदिप थापा, सुनिल ढकाल प्रतिस्पर्धामा छन् ।
उनीहरूमध्ये सबैभन्दा बलिया वैद्य र जोशी देखिएका छन् । वैद्य व्यवसायिक डीआईजी हुन् । उनीसँग विभिन्न विदेशका तालिम गरेको अनुभव र नेपालको अधिकांश जिल्लामा रहेर काम गरेको अनुभव छ । माओबादी सशस्त्र युद्धको आधार इलाकामा काम गरेको अनुभव उनीसँग छ ।
उनीपछि जोशी बलिया प्रतिस्पस्पर्धी छन् । जोशी सत्ता निकट राजनीतिक दलका नेतासँग पनि निटक सम्बन्धमा छन् ।
उसो त अहिले अतिरिक्त मूख्य अनुसन्धान निर्देशक एआईजी हुने एक जना नै भदौपछि गुप्तचर प्रमुखमा बढुवा हुने भएपछि एआईजी बढुवाको चलखेल तीव्र छ । हालका गुप्तचर प्रमुख यदुलाल खरेलले भदौको अन्तिम साता अवकाश पाउनेछन् ।
त्यो अवस्थामा अहिलेको ७ डीआईजीमध्ये एक प्रमुख हुनेछन् । गुप्तचरमा एआईजीको एक दरबन्दी थपको चर्चासमेत छ । गृह मन्त्रालयअन्तरर्गतको रहेको गुप्तचर विभाग एमाले अध्यक्ष केपी ओली नेतृत्वको सरकारको पालामा प्रधानमन्त्री कार्यालय अन्तर्रगत राखिएको छ ।
ओली नेतृत्त्वमा पालामा गुप्तचर विभागको कर्मचारीको दुरुपयोग गरेको आरोप लागेको थियो । तर, हालका प्रधानमन्त्री शेरबहादुर देउवाले भने प्रधानमन्त्री भएको १० महिना पुग्दा पनि गुप्तचर विभागका कर्मचारीलाई एक चोटी पनि विफ्रिङ गर्न सकेका छैन् । रास्स
