२०७९ बैशाख ३० गते स्थानीय तहको निर्वाचनको मिति घोषणा भएपछि राजनीतिक बृत्तमा उम्मेदवारहरुको चर्चा शुरु भएको छ । राजनीतिक दलका नेताहरुमा चुनावी सरगर्मी सुरु हुँदा नेपालगन्ज उपमहानगरपालिका वडा नम्बर २ बाट जनता समाजवादि पार्टी जसपाबाट वाहिस हुसेन हल्वाई अध्यक्ष पदमा सिफारिस भएको छ ।
नेपालगन्ज उपमहानगरपालिका वडा नम्बर २ मा सबैभन्दा बलियो उम्मेदवार नै रहेको स्थानीयहरु बताउँछन् । वडा नम्बर २ बाट यसअघिको स्थानीय निर्वाचनमा अध्यक्ष पदका प्रबल दाबेदार उम्मेदवार हुँदा पनि जनता समाजवादि पार्टी जसपाबाट उम्मेदवारलाई स्थान दिँदै पछि हटेका थिए । तर, अहिले उनी जत्तिको बलियो उम्मेदवार अरु नभएको स्थानीय नेता कार्यकर्ताहरु बताउँछन् ।
वडामा राम्रो छवि बनाएका वाहिस हुसेन हल्वाई जनता समाजवादि पार्टी जसपामात्रै नभई अन्य पार्टीका मतदाताहरुमा पनि राम्रो पकड भएको नेता मानिन्छन् । अप्ठ्यारो पर्दा सहयोगी हात अघि बढाउन जहाँ पनि पुगिहाल्ने नेताका रूपमा उनी चिनिन्छन् ।
