( महेन्द्र सिंह ) 
नेपाली कांग्रेसका तर्फबाट नेपालगञ्ज उपमहानगरपालिका वडा नम्बर ०२ अध्यक्ष प्रदिप श्रेष्ठ सहित उम्मेदवारहरु निरन्तर घरदैलोमा छन् । उम्मेदवारहरुले बागेश्वोरि टोल , न्यूरोड , घरबारि टोलमा घरदैलो गरेका हुन् । स्थानीयहरु घर-घरबाट आफैं निस्किँदै हामीसंगै प्रचारमा हिंड्नुभएको छ, नेपाली कांग्रेसका उम्मेदवारहरुलाई विजयी बनाउने बताइरहनुभएको छ,” अध्यक्षका उम्मेदवार श्रेष्ठले भने । 
नेपालगन्ज उपमहानगरपालिका वडा नम्बर २ मा सबैभन्दा बलियो उम्मेदवार श्रेष्ठ नै रहेको वडा बासिहरु बताउँछन् । वडा नम्बर २ बाट यसअघिको स्थानीय निर्वाचनमा अध्यक्ष पदका प्रबल दाबेदार उम्मेदवार हुँदा पनि नेपाली कांग्रेसबाट उम्मेदवारलाई स्थान दिँदै पछि हटेका थिए । तर, अहिले उनी जत्तिको बलियो उम्मेदवार अरु नभएको वडा बासिहरु बताउँछन् । 
वडामा राम्रो छवि बनाएका प्रदिप श्रेष्ठ नेपाली कांग्रेस पार्टी मात्रै नभई अन्य पार्टीका मतदाताहरुमा पनि राम्रो पकड भएको नेता मानिन्छन् । अप्ठ्यारो पर्दा सहयोगी हात अघि बढाउन जहाँ पनि पुगिहाल्ने नेताका रूपमा श्रेष्ठ चिनिन्छन् । 
