(ABC=SANCHAR)
बिरगंज । स्थानीय तहको निर्वाचनमा वीरगञ्ज महानगरपालिकाको उपमेयरमा स्वतन्त्र तर्फ उम्मेदवारी दिएकी रम्भा मिश्राए गुलाफ चिन्ह पाएकी छन् ।
मिश्रालाई निर्वाचन अधिकृतको कार्यालयले फुलाफ चुनाव चिह्न दिएको हो ।
नेकपा एमालेसँग चुनावी तालमेल गरेको लोसपाले उपमेयरमा पुरुषोत्तम झालाई उम्मेदवार बनाएपछि मिश्रा पार्टीसँग रुष्ट भएर स्वतन्त्र तर्फ उम्मेदवारी दिएकी थिइन् ।
लोसपाले महिलाको अधिकार खोसेको आरोप लगाउँदै मिश्राले वीरगञ्जमा आन्दोलनसमेत गरिन । उनले स्थानीयहरुको सुझाव अनुसार वीरगञ्ज महानगरको विकास र समुर्द्धिका लागि स्वतन्त्र तर्फ उम्मेदवारी दिएको बताईन ।
गत निर्वाचनमा पनि उपमेयरमा लडेर पराजित भएकी मिश्रले यसपटक पार्टीले पनि टिकट दिने र आफुले जित्ने विश्वास गरेकी थिइन् । तर अन्तिम समयमा आएर पार्टीले अवमूल्यन गरेको मिश्राले आँसु झार्दै बताएकी हुन् ।
पराजय भएर पनि निरन्तर जनताको माझमा रहेकी मिश्राले पार्टीले अवमुल्यन गरेपनि जनताले विश्वास गर्ने दावी गरेकी छिन् ।
उनले थपछिन्, ‘मधेशको पार्टीसँग मेरो माया छ । म अरु पार्टीमा जान पनि सक्दिन । मधेशको लागि लडेको मान्छे म । मधेशको छोरी पनि हुँ । मधेशको सेन्टिमेट पनि जोडिएको छ । पार्टीले धोका दिएको अनुभव गरें । त्यसैले स्वतन्त्र उम्मेदवारी दर्ता गराएकी हुँ ।’
