(महेन्द्र सिंह ) 
मतदाताहरुले हौसला थपिदिएको नेपालगन्ज उपमहानगरपालिकाका नेपाली कांग्रेसका तर्फबाट प्रमुख पदका उम्मेदवार प्रशान्त बिष्टले बताउनु भएको छ ।
आज शनिबार विहान नेपालगन्ज उपमहानगरपालिका वडा नम्बर १ धक्बोजी क्षेत्रका मतदाताहरु संग भेटघाट गर्नुभएका बिष्टले मतदाताहरुले आर्शिबाद सहित उत्साह थपिदिएको बताउनुभयो । उनले मतादाताहरुले राखेका मागहरुलाई पहिलो प्राथमिकता दिने बताएका छन् । आफूले बनाएका विकास योजनालाई कार्यान्वयन गर्ने क्रममा पहिलो प्राथमिकता जनताको चाहना अनुरुप गर्ने कुरामा विश्वस्त हुन उनले आग्रह गरे ।
बिष्ट आज विहानैदेखि घरदैलो अभियानमा जुटिसक्नु भएको छ । उहाँले आज वडा नम्बर १ मा वडाअध्यक्षका कांग्रेसका उम्मेदवार बिनोद रिजाल संगै विहान घरदैलो गर्नुभएको हो । वडाअध्यक्ष पदका उम्मेदवार रिजालले वडाको समग्र बिकासका लागि आफूलाई बिजयी गराउन मतदाताहरु संग आग्रह गर्नुभएको छ ।
