ABC (क्राईमबिट)
दाङ । ईलाका प्रहरी कार्यालय तुल्सीपुरले लागुऔषध ब्राउन सुगर सहित ४ जनालाई पक्राउ गरेको छ । सोमबार बेलुका साढे ८ बजेतिर तुलसीपुर १२ बबई क्याम्पस पछाडीको सडक बाटोबाट ६३० मिलीग्राम लागुऔषध (ब्राउन सुगर)सहित चार जनालाई पक्राउ गरेको इलाका प्रहरी कार्यालय तुलसीपुरका प्रहरी प्रमुख डिएसपी श्यामु अर्यालले जानकारी दिए ।
तुलसीपुर उपमहानगरपालिका ६ निवासी २३ वर्षिय रविन नेपाली, तुलसीपुर उपमहानगरपालिका ९ निवासी २७ वर्षिय मार्केट जेठा भन्ने कृष्ण जैसी, घोराही उपमहानगरपालिका १० घर भई हाल तुलसीपुर ५ निवासी २८ वर्षिय राजेश नेपाली र तुलसीपुर ५ निवासी ३४ वर्षिय अम्मर बाल्मिकीलाई पक्राउ गरेको हो ।
बबई क्याम्पस पछाडीको बाटोमा रा ५ प ८८६५ नम्बरको मोटरसाइकलमा तीन जना शंकास्पद तरिकाले हिडीरहेको अवस्थामा प्रहरीले नियन्त्रणमा लिएर शरीर खानतलासी गर्दा रविन नेपालीले लगाएको पाईन्टको खल्तीबाट कालो प्लाष्टिकले बेरी स-साना पुडिया बनाएको थान ११ पुडिया लागू औषध(ब्राउन सुगर) जस्तो देखिने पदार्थ तौल गर्दा प्लाष्टिक सहित ४४० मिली ग्राम र प्लाष्टिक हटाई तौल गर्दा ३०० मिली लागु औषध(ब्राउन सुगर) बरामद गरेको डिएसपी अर्यालले बताए ।
त्यस्तै पक्राउ गरिएका तीन जनालाई सोधपुछ गर्दा अम्मर बाल्मिकीसंग किनेको बताएपछि अम्मर बाल्मिकीको कोठाबाट सानो पुडिया बनाएको थान २ पुडिया लागु औषध (ब्राउन सुगर) जस्तो देखिने प्लाष्टिक सहित तौल गर्दा १९० मिली ग्राम र प्लाष्टिक हटाई तौल गर्दा १४० मिली ग्राम लागु औषध(ब्राउन सुगर) बरामद गरेको डिएसपी अर्यालले बताए ।
उनीहरु चारै जनालाई पक्राउ गरी आवश्यक कारवाहीका लागी इलाका प्रहरी कार्यालय तुलसीपुरमा राखी थप अनुसन्धान कार्य जारी रहेको डिएसपी अर्यालले बताए ।