ABC (क्राईमबिट)
काठमाडौं । सरकारले डीआईजी बसन्तकुमार लामालाई एआईजीमा बढुवा गरेको छ । आज बिहान बसेको मन्त्रिपरिषदको बैठकले लामालाई एआईजीमा बढुवा गर्ने निर्णय गरेको हो ।
एआईजी लामालाई आज दिउँसो दर्ज्यानी चिह्न प्रदान गर्ने कार्यक्रम रहेको छ । यद्यपि, उनी २ दिनका लागि मात्र एआईजी बन्नेका छन् । लामाको कार्यकाल यही ७ जेठको मध्यरातसम्म मात्र छ । त्यसपछि उनी ५६ वर्षे उमेर हदका कारण अनिवार्य अवकाशमा जाँदै छन् ।
गृह मन्त्रालयअन्तर्गतको बढुवा समितिको सचिवालयले गत २३ वैशाखमा प्रहरीको एआईजीमा लामालाई एकल बढुवा सिफारिस गर्ने निर्णय गरेको थियो । प्रहरी नियमावलीअनुसार सिफारिस भएको ७ दिनभित्र बढुवाविरुद्ध उजुरी दिन सकिने व्यवस्था छ ।
त्यस अवधिभित्र उजुरी नपरेपछि सरकारले बढुवा गर्न सक्ने भए पनि निर्वाचन र प्रधानमन्त्रको कार्यव्यस्तताको कारण मन्त्रिपरिषद बैठक बस्न नसक्दा उनको बढुवा प्रक्रिया अघि बढ्न सकेको थिएन ।
प्रहरीमा एआईजीका लागि ५ पद रिक्त भए पनि लामालाई मात्र बढुवा समितिको सचिवालयले एआईजीमा सिफारिस गरेको थियो । लामा प्रहरीमा व्यावसायिक तथा इमानदार अधिकारीको रुपमा परिचित छन् ।
जिल्लादेखि प्रदेशको सफल नेतृत्व गरेका लामाले ३३ किलो सुन तस्करी प्रकरणको पनि अनुसन्धान समितिमा रहेर काम गरेका थिए । पर्दाफासबाट
