(बिबस रसाइली)
दाङ । दङ्गिशरण गाउँपालिका वडा नं १ का नवनिर्वाचित वडा अध्यक्ष रमेश भण्डारीले पद जिम्मेवारी समालेका छन् । शुक्रबार दङ्गीशरण गाउँपालिकाको सभा हलमा सपथ खाएका सबै नव निर्वाचित वडा अध्यक्षहरु आज सोमबार वडा कार्यालय पुगेर आगामी पाँच वर्ष सम्म आफ्नो जिम्मेवारी समालेका छ्न।
अध्यक्ष भण्डारीले पहिलो काम वडाबाट सामाजिक सुरक्षा भत्ता पाउने लाभग्राहीलाई वडाबाट बैंक सम्म जान र आउनको लागि यातायातको व्यवस्था गर्ने निर्णय गरेका छन् । स्थानीय तहको निर्वाचनमा नेपाली काङ्ग्रेसको तर्फबाट बिजयी भएका भण्डारीले पहिलो निर्णय गरेका हुन ।
सोही ठाउँकै जनताको समस्यालाई मध्यनजर गरि प्रत्येक टोलमा सुचना बोर्ड तथा गुनासो पेटिका राख्ने निर्णय समेत गर्नु भएको छ । यो निर्णय गरे लगत्तै भण्डारीले घोषणापत्रमा उल्लेख गरेको एउटा कामको सुरुवात गरेका छन् । सोमबार एक कार्यक्रमका बीच भण्डारीले दङ्गिशरण गाउँपालिका वडा नं १ मा अध्यक्ष पद जिम्मेवारी ग्रहण गर्दै उक्त निर्णय गरी सार्वजनिक गरेका थिए ।
२०७४ सालको स्थानीय निर्वाचनमा नेकपा एमाले बाट निर्वाचित उम्मेदवार अध्यक्ष श्रीप्रसाद चौधरीको टिम लाई निर्वाचित भण्डारीले कार्यभार समालेसंगै बिदाई गरिएको छ ।
