२७ माघ २०८१, आइतबार
09-02-2025 , Sun
×

बर्दिया प्रहरीको ठुलो लापरबाही प्रहरी हिरासतबाट बलात्कार आरोपी फरार कसरी ?

Logo
प्रकाशित बुधबार, साउन ११, २०७९


ABC (क्राईमबिट)
बर्दिया । ईलाका प्रहरी कार्यालय मोतिपुर, बर्दियाको हिरासत कक्षबाटै बलात्कार आरोपमा पक्राउ परेका एक जना थुनुवा फरार भएका छन ।

ईलाका प्रहरी कार्यालय मोतिपुरबाट फरार बलात्कार आरोपीलाई बर्दिया प्रहरीले व्यापक रुपमा खोजतलास गरिरहेको छ ।

बाँसगढी नगरपालिकाकी एक १५ वर्षीया किशोरीलाई जबरजस्ती करणी गरेको आरोपमा बाँके जिल्ला, खजुरा गाउँपालिका घर भएका अब्दुल खाँलाई गत असार २३ गते बाँके जिल्लाबाटै प्रहरीले पक्राउ गरेको थियो ।

अब्दुल खाँलाई ईलाका प्रहरी कार्यालय मोतिपुरमा राखेर अनुसन्धान कार्य चलिरहेको थियो ।

खाँलाई १० गते मंगलबार जिल्ला अदालत बर्दियामा पुनः म्याद थप गर्नको लागि समय तोकिएको थियो ।

तर उनी एक दिन पहिल्यै ९ गते (सोमबार) बिहान १०ः५५ बजेतिर खाना खाएर प्रहरी कार्यालयबाट फरार भएको जिल्ला प्रहरी कार्यालय बर्दियाका प्रवक्ता प्रहरी नायब उपरीक्षक (डिएसपी) सूर्य प्रकाश सुबेदीले जानकारी दिनुभयो ।

उहाँले सबै ठाँउमा ब्यक्तिको हुलिया पठाएर खोजी कार्य जारी राखेको बताउनुभयो ।

हिरासत कक्षबाट थुनुवा भागेपछि बर्दिया प्रहरीले आन्तरिक छानबिन थालेको छ ।

कमेन्ट गर्नुहोस्
सम्बन्धित

  काठमाडौं । प्रहरी प्रधान कार्यालयको प्रदेश समन्वय विभागमा कार्यरत केसीले शुक्रबार राजीनामा दिएको स्रोतले जनाएको छ। केसीले एआईजीमा बढुवा भएको एक महिनामै राजीनामा दिएका हुन्। उनलाई पुस २६ गते बसेको मन्त्रिपरिषद बैठकले एआईजीमा बढुवा गर्ने निर्णय गरेको थियो। सेवा अवधि आगामी चैत ५ गतेसम्म रहे पनि केसीले पहिले नै राजीनामा दिएका हुन्। गएको पुस […]

काठमाडौं । पक्राउ पर्नेमा दिनेश सिग्देल र रमेश फुलारा रहेको छन् । उनीहरू दुवै जना अमृत साइन्स क्याम्पस (अस्कल) मा अध्ययनरत विद्यार्थी रहेको जिल्ला प्रहरी परिसर काठमाडौंका एसएसपी विश्व अधिकारीले बताए । प्रहरी स्रोतका अनुसार पक्राउ परेका दुवै नेकपा एमालेको विद्यार्थी संगठन अनेरास्ववियुमा आबद्ध छन् । पक्राउ परेका सिग्देल अनेरास्ववियु अस्कल क्याम्पसका प्रारम्भिक कमिटी अध्यक्ष […]

धनगढी । सुदूरपश्चिम प्रदेश प्रहरी प्रमुख प्रहरी नायव महानिरीक्षक गणेश चन्दले प्रदेश अन्तर्गत रहेका राजमार्ग सुरक्षा तथा ट्राफिक व्यवस्थापन कार्यालय अत्तरिया, कैलाली, जिल्ला ट्राफिक प्रहरी कार्यालय कैलाली, कञ्चनपुर, डोटी, अछाम, बाजुरा, बझाङ, डडेल्धुरा, बैतडी र दार्चुलामा कार्यरत जिल्ला ट्राफिक प्रमुखहरुलाई भर्चुअल मिटिङ मार्फत निर्देशन दिनु भएको छ । सोही क्रममा उहाँले जिल्लाहरुको ट्राफिक व्यवस्थापनको अवस्था […]

error: Content is protected !!