ABC (क्राईमबिट)
काठमाडौं । राष्ट्रिय स्वतन्त्र पार्टीका अध्यक्ष रवि लामिछानेका कारण प्रहरी वृत्त दरबारमार्गका प्रहरी निरीक्षक बिशाल तामाङ कारबाहीमा परेका छन् । पर्यटनमन्त्री जीवनराम श्रेष्ठलाई दुव्र्यवहार गरेको आरोपमा पक्राउ परेका सुरक्षा गार्ड शेरजंग गुरुङलाई भेटेर फोटो खिच्न दिएपछि इन्सपेक्टर तामाङलाई हटाइएको हो ।
हिरासतमा भएका व्यक्तिसँग फोटो खिच्न पाइदैन । तर, इन्सपेक्टर तामाङले लामिछानेसँग भेटाएर भिडियो तथा फोटो खिच्न दिएका थिए । उनलाई वृत्तबाट हटाएर छानबिन थालिएको छ । यसबारे एसपी दिनेशराज मैनालीको नेतृत्वमा छानबिन समिति बनेको छ ।
घटनामा दरबारमार्ग वृत्तकी डिएसपी कोपिला चुँडालको पनि कमजोरी देखिएको र उनीमाथि समेत छानबिन हुने भएको छ ।
हाल राजनीतिमा लागेका लामिछानेले गुरुङलाई भेटेर उनलाई रिहा गर्न माग गरेका छन् । लामिछानेलाई सहयोग गर्दा इन्सपेक्टर तामाङ भने समस्यामा परेका छन् ।
सुरक्षा गार्ड गुरुङलाई रिहा गर्न गृह मन्त्री र पर्यटनमन्त्रीले प्रहरी तथा काठमाडौंका सिडिओलाई निर्देशन दिइसकेका छन् ।
