कपिलवस्तुमा बस दुर्घटना हुँदा १ जनाको मृत्यु ३१ घाइते

 

(ABC-Sanchar)

कपिलवस्तु । दुर्घटनामा हुँदा एक जनाको मृत्यु भएको छ । दुर्घटनामा गम्भीर घाइते एक महिलाको उपचारको क्रममा तौलिहवामा मृत्यु भएको हो । उनको परिचय नखुलेको जिल्ला प्रहरी कार्यालयका डीएसपी मीनबहादुर घलेले जानकारी दिए ।

जिल्लाको वुद्धभूमि नगरपालिका-९ र ४ को सीमामा शनिबार दिउँसो काठमाडौंबाट दाङ आउदै गरेको ना ७ ख ५९५९ नम्बरको बस र विपरीत दिशाबाट जाँदै गरेको ना ५ ख ५६६५ नम्बरको ट्रक ठोक्किएका थिए ।

दुर्घटनामा ३१ जना घाइते भएको प्रहरीले जानकारी दिएको छ । दुर्घटनामा घाइतेमध्ये २० जनाको गोरुसिंगे र ११ जनाको तौलिहवा अस्पतालमा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।