ABC (क्राईमबिट)
तनहुँ । प्रहरी प्रमुख राजेन्द्रबाबु रेग्मी चावपर्वको समयमा शान्ति सुरक्षाको अवस्था मजबुत बनाउन मातहतका प्रहरी अधिकृतहरुलाई निर्देशन दिएका छन् ।
प्रहरी प्रमुख रेग्मीले आइतबार मातहतका प्रहरी अधिकृतहरुलाई सो निर्देशन दिएका हुन् । प्रहरी प्रमुख रेग्मीले चाडपर्वका समयमा मादक पदार्थ सेवनका कारण झैझगडा र सवारी दुर्घटनाको संख्या बढ्ने हुँदा त्यस तर्फ विशेष ध्यान दिन समेत निर्देशन दिएका थिए ।
त्यस्तै ग्रामीण क्षेत्रहरुमा सञ्चालन सवारी साधानहरुमा क्षमता भन्दा बढी यात्रुहरु राखेर सवारी साधान चलाउने हुँदा त्यस तर्फ पनि विशेष ध्यान दिन प्रहरी प्रमुख रेग्मीले निर्देशन दिएका थिए ।
त्यसैगरी सवारी साधानको टिकटक विक्रि वितरणमा हुने ठगि, अवैध मदिरा विक्रि वितरण, लुटपाट र ठगिको धन्दामा समेत प्रहरीले विशेष ध्यान दिनुपर्ने प्रहरी प्रमुख रेग्मीको भनाई रहेको थियो । चाडपर्वको समयमा मोवाईल गस्ती, मोटर साइकल र पैदल गस्तीको समेत व्यवस्था गरिएको प्रहरी प्रमुख रेग्मीले बताएका थिए ।