(महेन्द्र सिंह)
बाँके । प्रतिनिधि सभा सदस्य तथा प्रदेश सभा सदस्य निर्वाचन २०७९” को मिति २०७९।०८।०४ गते सम्पन्न भएको छ ।
निर्वाचन कार्यमा मिति २०७९।०६।३० गते जिल्ला प्रहरी कार्यालय बाँकेबाट म्यादी प्रहरीको नियूक्ति लिई नेपाल प्रहरी प्रधान कार्यालयले तर्जुमा गरेको पाठ्यक्रमद्वारा मिति २०७९।०६।३० गते देखि २०७९।०७।०८ गते सम्म सञ्चालित १० दिनको म्यादी प्रहरी तालिम प्राप्त गरी तोकिएको थियो ।
कार्यक्षेत्रमा नेपाल प्रहरीको साथमा खटिई निर्वाचन कार्यलाई स्वतन्त्र, निष्पक्ष, भयरहित र शान्तिपूर्ण वातावरणमा सम्पन्न गर्नमा महत्वपूर्ण भूमिका निर्वाह गर्नु हुने सम्पुर्ण म्यादी प्रहरीहरुलाई आज एक कार्यक्रमका बिच बिदाई गरीएको छ ।
प्रहरी निरीक्षक चक्र बहादुर डमरपालले संचालन गर्नु भएको उक्त कार्यक्रममा बाँकेका प्रमुख जिल्ला अधिकारी सुर्य बहादुर खत्रीको प्रमुख आतिथ्यता रहेको कार्यक्रममा बाँके जिल्ला प्रहरी प्रमुख एसपी श्याम कृष्ण अधिकारीको
अधक्ष्यता रहेको कार्यक्रममा म्यादी प्रहरीलाई प्रमाणपत्र वितरण गरिएको बाँके प्रहरी प्रबक्ता डिएसपी राम प्रसाद घर्ती मगरले जानकारी दिनुभएको छ ।
