ABC (क्राईमबिट)
पर्सा । बिरगंज देशकै पुरानो तथा अत्यधिक भीडभाड रहने गरेको वीरगन्ज कारागारमा कूल कैदीबन्दीको झन्डै ३० प्रतिशत कैदीबन्दी लागूऔषध मुद्दाकै छन् । बुधबारसम्म कारागारमा कूल १ हजार ४ सय ५९ कैदीबन्दी रहेकोमा ती मध्ये ५ सय ४२ कैदीबन्दी लागूऔषध मुद्दाकै हुन् ।
वीरगन्ज कारागार कार्यालयको तथ्यांक अनुसार लागू औषध मुद्दाका ५ सय ४२ कैदीबन्दीमध्ये ४ सय ३७ स्वदेशी र १ सय ५ विदेशी हुन् । विदेशीमा सबै भारतीय नागरिक हुन् । स्वदेशीमध्ये १ सय ६१ कैदी र २ सय ७६ थुनुवा हुन् । तीमध्ये १ सय ५३ पुरुष कैदी र २ सय ६४ पुरुष थुनुवा छन् । महिलातर्फ ८ कैदी र १२ थुनुवा छन् ।
विदेशीमा १ सय ५ कैदी बन्दीमा ५७ कैदी र ४८ थुनुवा छन् । तीमध्ये पुरुष तर्फ ५३ पुरुष कैदी र ४७ पुरुष थुनुवा छन् । महिला तर्फ ४ कैदी र १ थुनुवा छन् ।
लागूऔषध ढुवानी तथा तस्करीका लागि वीरगन्ज तथा यसको छेउछाउको ग्रामीण भेगका नाकाहरु मुलुककै मुख्य नाका मानिन्छ । मुलुकको सर्वाधिक आयात निर्यात हुने नाका लागूऔषध ढुवानीको परम्परागत ट्रान्जिटको रुपमा बदनाम रहेको छ ।
