वनमा भेटियो भरूवा बन्दुक

कैलालीको समैती सामुदायिक वनमा भरूवा बन्दुक फेला परेको छ । धनगढी उपमहानगरपालिका-६ समैती सामुदायिक वनबाट आइतबार दिउँसो प्रहरीले एक थान भरूवा बन्दुक फेला पारेको हो ।

जिल्ला कार्यालय कैलालीबाट खटिएको प्रहरीले वनमा वेवारिसे अवस्थामा रहेको उक्त बन्दुक फेला पारी बरामद गरेको हो ।

वन्यजन्तुको चोरी शिकारीको लागि भरूवा बन्दुकसहित केही शिकारी पुगेको तर प्रहरी आएको सुइको पाएपछि उनीहरू बन्दुक त्यहीँ छाडेर फरार भएको बुझिएको छ ।