ABC (क्राईमबिट)
जुम्ला । जिल्ला प्रहरी कार्यालय जुम्लाले जडिबुटी बोकेर आउदै गरेको ट्याक्टर नियन्त्रणमा लिएको छ। डोल्पा जिल्ला बाट जुम्ला तर्फ आउदै गरेको भे २ त १४९१ नम्बरको ट्रयाक्टर नियन्त्रण लिइएको हो।
मंसिर १८ गते बेलुका ७ बजेर ५० मिनेटमा नियन्त्रणमा लिएको जिल्ला प्रहरी कार्यालय जुम्लाले जनाएको छ। ट्रयाक्टरमा सुनपाती नामक २० बोरा जडिबुटी रहेको प्रहरीले जनाएको छ। गुठिचौर गाउँपालिका – १ अस्थायी प्रहरी पोष्ट चौत्राबाट खटिएको प्रहरी टोलीले चेकजाँच गर्ने क्रममा फेला पारेको हो। जडिबुटीको छुट पुर्जी नभेटिएको जिल्ला प्रहरी कार्यालय जुम्लाका डिएसपी नरेन्द चन्दले बताए।
आवश्यककार्वाहीका लागि ट्रयाक्टर चालक र सुनपाती नामक जडिबुटीडि डिभिजन बन कार्यालय जुम्लामा बुझाईएको छ।
