नवलपरासी, १ माघ । पश्चिम नवलपरासीको दक्षिण क्षेत्रमा बर्षोनि हुदै आएको वाढी तथा ढुवानको दिर्घकालीन समस्या समाधानका लागी संघीय सांसद विनोद चौधरीले जनसमुदाय माझ पुगेर छलफल अघि बढाउनुभएको हो ।
आज सांसद चौधरी पश्चिम नलपरासीको सरावल गाउंपालिका अन्तर्गत वडा न. ६ रामपुरखडैना पुगेर त्यहांका जनता संग छलफल गरी यस क्षेत्रमा बर्षोनी हुदै आएको वाढी तथा ढुवानको दिर्घकालीन समस्या समाधानका लागी छलफल गर्नुभएको हो ।
पश्चिम नवलपरासीको सरावल गाउंपालिका अन्तर्गत वडा न. ४ , ५ ६ र ७ यसैगरी प्रतापपुर र पाल्हीनन्दन गाउंपालिकाको विभिन्न वडाहरुमा बर्षौनि डुवानको समस्या रहदै आएको छ ।
बिशेष गरी बर्षातको समयमा जिल्लामा रहेको झरही खोलामा तिब्र गतीमा पानी आउदा धनेवा नदीको पानी रोकिन पुग्दा यस क्षेत्रका डुवान तथा बाढीको समस्याका कारण बर्षोनी यस क्षेत्रमा करिव एक हजार दुई सय विगाहा क्षेत्रफलमा लगायतको धान वालीमा नोक्सानी हुदै आएको छ ।
जनता माझं पुगेर सांसद चौधरीले आफुले यस क्षेत्रको बाढी तथा डुवानको दिर्घकालीन समस्या समाधान गर्न प्रदेश तथा संघीय सरकार साथै अन्य निकायमा पहल गर्ने प्रतिबद्धता व्यक्त गर्नुभयो । सोही अवसरमा प्रदेश सभा सदस्य सन्तु कलवारले यस क्षेत्रको बाढी तथा डुवानको समस्या समाधान गर्न आफु समेत प्रतिबद्ध रहेको जानकारी दिनुभयो । तस्विर संलग्न छ ।
