जिल्ला प्रशासन कार्यालय धनुषाबाट एक बिचौलिया पक्राउ परेका छन्।

पक्राउ पर्नेमा जनकपुरधाम उप महानगरधपालिका-१६ स्थित कपिलेश्वर बस्ने ३९ वर्षीय दिपक ठाकुर रहेको प्रहरीले जनाएको छ।

नागरिकता, राहदानी (पासपोर्ट) बनाउन आउने सेवाग्राहीहरूलाई कार्यालयका कर्मचारीहरूसँग आफ्नो चिनाजान रहेकाले छिटो काम गराइदिन्छु भन्दै उनले पैसा उठाएको पाइएको डिएसपी प्रदिप क्षेत्रीले बताए।

२/३ हजारका दरले पैसा माग गरी बिचौलियाको काम गरिरहेको गोप्य सुचनाको अधारमा जिल्ला प्रहरी कार्यालय धनुषाबाट खटिएको प्रहरी टोलीले ठाकुरलाई सेवाग्राहीबाट लिएको पैसा सहित पक्राउ गरेको हो।

सेवाग्राहीसँग १५ सय रुपैयाँ लिदै गरेको अवस्थामा जिल्ला प्रशासन कार्यालय धनुषाको गेट अगाडिबाट पक्राउ गरिएको डिएसपी क्षेत्रीले बताए। उनका अनुसार पक्राउ परेका ठाकुरलाई नियन्त्रणमा लिइ प्रहरीले थप अनुसन्धान गरिरहेको छ।

सम्बन्धित

पेस्तोल किन्ने र बेच्ने किन्ने दुवैलाई पक्राउ

जलेर एक किशोरको मृत्यु

आफ्नै बुवाको हत्या गरेको आरोपमा छोरा पक्राउ

ऋषि धमलाकी पत्नी अभिनेत्री एलिजा गौतम नागरिक उन्मुक्ति पार्टीमा प्रवेश

के हुँदै छ नेपालमा विभागको वेबसाइटमा समस्या हुँदा विमानस्थलमा एक घण्टादेखि उडान थप्प

फसाएको भन्दै रवि लामिछानेको पक्षमा माइतीघरमा प्रदर्शन जारी