हवाई सेवा प्रभावित

हिमाली जिल्ला जुम्लामा हिमपात भएपछि हवाई सेवा प्रभावित भएको छ । मंगलबारदेखि निरन्तर परेको हिमपातका कारण धावन मार्गमा हिउँ जमेकोले विमान अवतरण हुन सकेको छैन ।

आज जुम्लामा मौसम सफा छ । तर, धावन मार्गमा हिउँ जमेकाले आज पनि हाज अवतरण हुन नसकेको नागरिक उड्डयन प्राधिकरण जुम्लाका निमित्त प्रमुख राजीव श्रेष्ठले जानकारी दिए ।

बिहानैदेखि नेपाली सेना, सशस्त्र प्रहरी, नेपाल प्रहरीले धावनमार्गमा जमेको हिउँ फाल्ने काम सुरु गरेको छ । तीन दिनदेखि हिउँ परेर नेपालगञ्जमा जुम्ला आउने यात्रुहरु अलपत्र परेका छन् ।