(सागर थापा) दाङ । जिल्ला ट्राफिक प्रमुख झविन्द्र परियारको काठमाडौं उपत्यका ट्राफिक प्रहरी कार्यालय बग्गीखाना काठमाडौं सरुवा भएको छ ।
प्रहरी निरीक्षक परियार गत चैतमा जिल्ला ट्राफिकको प्रमुख भएर आएदेखि नै दुर्घटना न्यूनीकरणका लागि थुप्रै अभियान समेत चलाएका थिए । दाङमा रहंदा सम्म ट्राफिक प्रमुख परियारले सडक दुर्घटना न्यूनीकरणमा एकदमै मन लगाएर काम गरेका छन् । यसैविच, सरुवा भई जान लागेका प्रहरी निरीक्षक परियारले भन्छन् ।
म गत चैतमा कार्यालय प्रमुखको रुपमा आएको थिए । नेतृत्व लिईसकेपछि यहाँको समस्या के हो ? आफुले गर्ने कामहरु के के हुन ? जनताको समस्याहरु कसरी समाधान गर्न सकिन्छ ? भन्ने कुरालाई नै मैले प्रमुखताका साथ् लिएर अघि बढाएको थिए । मुलतः दुर्घटना न्युनिकरण मेरो पहिलो प्राथमिकता थियो । यसका लागी विभिन्न विद्यालय, कलेजमा पुगेर विद्यार्थीलाई तथा सर्वसाधरणमा सचेतनामुलक कार्यक्रमहरु गरेको थिए । जिल्लामा बर्सेनि हुने दुर्घटनाले धेरैको ज्यान जाने थुप्रै उदाहरण थिए , जसले गर्दा ति दुर्घटनामा कमि आएको छ ।
चालकका आँखा जाच्नुका साथै विभिन्न स्थानमा शन्देशमुलक ब्यानर राखेका छौं । यस्तै जिल्लाका १८ युनिटले दैनिक रुपमा सवारी चेकजाँच गर्दै चालकलाई सचेत बनाउने काम भैरहेका छन । फलस्वरुप दुर्घटनाको दर घट्दो क्रममा रहेको छ । अहिलेपनि हाम्रो तथ्यांक हेर्ने हो भने घट्दो क्रममा रहेको छ । जस्तो गएको बर्ष २ सय बढि स्थानमा सवारी दुर्घटना भएका थिए भने अहिले वितेको ६ महिनामा ७० स्थानमा दुर्घटना भएका छन ।
यसका साथै कार्यालयको ब्यवस्थापनको पनि कामहरु भएका छन । ट्राफिक कार्यालयको परीसरमा विभिन्न ब्यक्तिको सहयोगमा दुर्गा भगवती मन्दिर निर्माण गरिएकोे छ । नेतृत्वमा रहदा गर्ने चाहाना भए सम्भव हुँदो रहेछ भन्ने उदाहरण हो जस्तो लाग्छ मलाई । यस्तै भर्खरै मात्रै कार्यालय परीसरमा ७०० बर्ग मिटर कालोपत्रे भएको छ । वर्षायाममा हिलो हुने खाल्डाखुल्डीमा पानी जम्ने समस्या हुने भएको हुँदा घोराही उपमहानगरपालिका तथा विभिन्न सहयोग बाट कालोपत्रे कार्य सम्पन्न भएको छ ।
प्राङ्गणलाई कालोपत्रे गर्न इन्जिनियरसंग स्टिमेट गराउदा १० लाख बढि लाग्न बताएपछि विभिन्न सहयोगी दाताको सहयोगमा यो काम भएको हो । अहिले कार्यालय परीसर राम्रो भएको छ । यी बाहेक जनताका समस्या समाधान गर्नु त चलिरहने प्रक्रिया हुन ।
यहाँको ट्राफिक व्यवस्थापनमा के चुनौती देख्नुहुन्छ ?
मुख्य कुरा त सडक नै देखीन्छ । बढ्दो सवारी चाप, त्यसमा सडक साँघुरो छ । त्यसमाथि निर्माण हुन लागेको सडकले झनै समस्या देखिएको छ । बजार क्षेत्रमा पार्किङको पनि उत्तिकै समस्या छ । बाटो क्रसका लागि ठाउँ ठाउँमा जेव्राक्रसिङ बनाइएको छ । तर अझै पनि जथाभावि सडक पार गर्ने परीपाटि पनि छ । यसमा सुधार त आउछ नै तर अलिक समय लाग्छ ।
सरुवा भई जाँदा कस्तो महशुस भएको छ ?
होईन, सरुवा त नियमित चलिरहने प्रक्रिया हो । जनताको सेवक भएपछि म जहाँ पनि गएर सेवा गर्नु पर्छ नै । जे होस यहाँ रहंदा मैलै राम्रो गरे जस्तो लाग्छ । बाकि मुल्यांकन त दाङ जिल्लाबासीले ले नै गर्नु हुने छ ।
