ABC (क्राईमबिट) काठमाडौं । राष्ट्रिय स्वतन्त्र पार्टीले रवि लामिछानेलाई आजै पार्टी सभापति घोषणा गर्ने तयारी गरेको छ । नागरिकता विवादमा सर्वोच्च अदालतको आदेशपछि लामिछानेको सांसद, गृहमन्त्री र पार्टी सभापति पद समेत गुमेको थियो ।
आइतबार जिल्ला प्रशासन कार्यालय काठमाडौंबाट पुनः नागरकिता लिएसँगै उनलाई आजै पार्टी सभापति घोषणा गरिने तयारी भइरहेको रास्वपा प्रवक्ता मुकुल ढकालले बताएका छन् । उनका अनुसार त्यसका लागि अहिले अपरान्ह ३ बजे पार्टीको केन्द्रिय समितिको बैठक बोलाइएको छ ।
उनले भने, ‘नागरिकता लिएर फर्किनेबित्तिकै उहाँलाई पार्टी सभापति घोषणा गरिनेछ ।’ लामिछानेको सबै पद गुमेपछि पार्टीले शनिबार डोलप्रसाद अर्याललाई कार्यवाहक सभापति र संसदीय दलको नेता छानेको थियो ।
