(ABC-Sanchar) काठमाडौँ । नागरिक उन्मुक्ति पार्टीकी अध्यक्ष रन्जिता श्रेष्ठले सरकारलाई दिएको समर्थन फिर्ता लिने सङ्केत गरेकी छिन् ।
उनले सामाजिक सञ्जालमार्फत यस्तो सङ्केत गरेकी हुन् । उनले फेसबुकमा लेखेकी छिन्, ‘अपराधी थारुलाई मात्र देख्ने सरकारलाई हाम्रो समर्थन चाहिँदैन रहेछ ।’
नागरिक उन्मुक्ति पार्टीले टीकापुर घटनामा जन्मकैदको सजाय पाएका रेशम चौधरीलगायतको रिहाइको माग गर्दै आएको छ ।
प्रचण्ड नेतृत्वको सरकारलाई विश्वासको मत दिएको उक्त पार्टीले रेशम चौधरीलगायतलाई रिहा नगरेसम्म सरकारमा सहभागी नहुने अडान लिँदै आएको छ ।
