(सागर थापा)
काठमाडौं । नेपाल प्रहरीको ६७ औं बार्षिकोत्सव २०७९ को अवसरमा राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक सहकुल थापाले विविध खेलकुद प्रतियोगिताका विजेता/उपविजेता खेलाडीहरु र अफिसियलहरुलाई ट्रफी, मेडल तथा प्रमाणपत्र वितरण गर्नु भएको छ ।
साथै प्रहरी प्रतिष्ठानमा कार्यरत उत्कृष्ट प्रहरी कर्मचारीहरुलाई अभिलेखमा जनिने गरी नगद पुरस्कार समेत प्रदान गर्नु भयो । सोही अवसरमा प्रतिष्ठानमा कार्यरत प्र.का.स. देखि प्र.ना.नि. दर्जा सम्मका प्रहरी कर्मचारीहरुका सन्ततिहरु मध्येका उत्कृष्ट दुई जना बालबालिकाहरुलाई नारी विकास प्रशिक्षण केन्द्रकी अध्यक्ष श्रीमती लक्ष्मी थापाबाट छात्रवृती प्रदान गर्नु भएको थियो ।
प्रमुख अथितिज्यूबाट प्रतिष्ठानलाई आवश्यक विविध खेल सामाग्रीहरु प्रायोजन गर्ने केल्मी स्पोट्स प्रा.लि. र कुजु नेपाललाई सम्मान पत्र प्रदान गर्नुका साथै धन्यवाद सहित अमुल्य निर्देशन समेत व्यक्त गर्नुभयो ।
