नेपाल प्रहरीका ९ जना सम्पर्कविहीन, प्रहरीलाई हेडक्वाटरले ७ दिनभित्र हाजिर हुन सूचना

ABC (क्राईमबिट) काठमाडौं । नेपाल प्रहरीका ९ जना सम्पर्कविहीन भएका छन् । प्रहरी प्रधान कार्यालय हेडक्वाटर नक्सालले एक सूचना जारी गर्दै सम्पर्कविहीन बनेका ९ प्रहरीहरुलाई सम्पर्कमा आउन आग्रह गरेको छ ।

बुधबार प्रहरी प्रधान कार्यालय नक्सालले गैरहाजिर भएकाहरुको नामावली सार्वजनिक गरेको छ । उनीहरुलाई बाटोको म्यादबाहेक सात दिनभित्र सम्पर्कमा आउन पनि भनेको छ ।

सूचनामा उनीहरुलाई स्पष्टीकरणसहित सम्पर्कमा आउन आग्रह गरिएको छ । तोकिएको अवधिभित्र सम्पर्कमा नआए सेवाबाट हटाउने चेतावनी समेत दिइएको छ ।