(ABC-Sanchar)
दाङ । घोराहीको राप्ती सुपर मार्केटमा दाङ जिल्ला उद्योग वाणिज्य संघले लगाएको ताला प्रहरीले फोडेको छ । दाङ जिल्ला अदालतले पसल सन्चालन गर्नका निमित्त कुनै खालको कानुन बिपरितको अबरोध नगर्न अन्तरिम आदेश दिएपछि प्रहरीको उपस्थितिमा पसलमा लगाईएको ताला फोडिएको हो । वडा प्रहरी घोराहीका प्रहरी निरिक्षकको उपस्थितिमा पसल सन्चालक गणेश दाहालले अदालतको अन्तरिम आदेश बमोजिम ताला तोडेका हुन । घोराहीका ब्यवसायि विष्णुप्रसाद सुवेदिले सुपर मार्केट घोराही निवासि दाहाललाई कानुनिरुपमा विक्री गरेका थिए । ब्यवसायिहरुले सुवेदिले दिनुपर्ने सप्लार्यलाई पैसा नदिएको भन्दै गुनासो गरेपछि उवासंघको नेतृत्वमा पुगेको ब्यवसायिको टोलिले ताला लगाएको थियो । दाङ जिल्ला उद्योग वाणिज्य संघका अध्यक्ष टंक सिंह बुढाथोकिले सुपर मार्केटमा ताला लगाई दिएका हुन् । ब्यवसायिले आफुहरुले पसलमा दिएको सामानको पैसा पाउनुपर्ने भन्दै उवासंघलाई गुहारेका थिए । सुवेदि पसल विक्री गरेर सम्पर्कमा नआएपछि ब्यवसायि पसल घेर्न पुगेका हुन् । सुवेदिसंग ठुलो रकम लिनुपर्ने विभिन्न ब्यक्तिहरुले गुनासो गर्दे आएका छन् । सुवेदि नेकपा एमालेवाट घोराही १५ को वडा अध्यक्षमा प्रतिष्पर्धा गरेका थिए । ब्यवसायिहरुको समस्याका वारेमा उवासंघले पहल गर्ने आश्वासन दिएको छ।
