(भानु जोशी)
दाङ । अस्थाई ट्राफिक प्रहरी पोष्ट लमहीले ७ हजार ९५० सवारीसाधनहरु माथि कारबाही गरेकोछ ।
बिगत ८ महिनामा सवारी नियम उलंघन गर्ने विभिन्न ७ हजार ९५० सवारीसाधनहरु माथि कारबाही गर्दा ५० लाख ४१ हजार जरिवाना संकलन भएको अस्थाई ट्राफिक प्रहरी पोष्ट लमहीका प्रमुख महेन्द्र बहादुर चन्दले जानकारी दिएका छन् ।
आर्थिक वर्ष २०७९/०८० को श्रावणदेखि फागुन सम्म बस र हाइस गरि ८ सय २१, ट्रक र टिप्पर २ हजार २५, जीप र कार १ हजार ४७७, मोटरसाइकल र स्कुटर २ हजार ८५५, ट्याक्टर- ६ सय ६३ र अटो, ई-रिक्सा- १०१ गरि जम्मा कार्वाहीमा परेका सवारीसाधन संख्या ७ हजार ९५० रहेको र सो बाफत ५० लाख ४१ हजार जरीवाना रकम संकलन भएको बताइएको छ ।
त्यस्तै यसरी कार्वाहीमा परेका सवारी साधनहरुले सवारी यातायात तथा ब्यबस्था ऐन-२०४९ को दफा-१६४ उलंघन गरेको पाइएकोले सोही ऐन अनुसार कार्वाही गरिएको प्रनानि चन्दले बताएका छन् ।
