ABC (क्राईमबिट) दाङ । साबिक लालमटिया गा.वि.स.वडा नं. ३ हाल राप्ती गाउँपालिका वडा नं.१ भालुबाङ निवासी मोहम्मद अमर मुसलमान भन्ने मोहम्मद अमिरलाई १३ वर्षपछि पक्राउ गरेको इलाका प्रहरी कार्यालय भालुवाङले जनाएको छ ।
अमिरलाई कर्तव्य ज्यान सम्बन्धि कुसरमा कपिलवस्तु जिल्ला अदालतले २०६६ साल वैशाख ८ गते २० बर्ष कैद फैसला सुनाएको थियो । फरार रहेका अमिरलाई इलाका प्रहरी कार्यालयबाट प्रहरी निरीक्षक उज्ज्वल बहादुर सिंहको कमाण्डमा खटीएको प्रहरी टोलीले बुधबार राप्ती गाउँपालिका वडा नं. १ भालुवाङस्थित लुकीछिपी बसि रहेको अवस्थामा पक्राउ गरेको थियो ।
अमिरलाई पक्राउ गरी जिल्ला अदालत दाङमा पेश गरीएको हो । जिल्ला अदालत दाङले अमिरलाई कैद भुक्तानका लागी जिल्ला कारागार घोराहीमा पठाएको छ ।
