रामेछाप कारागारमा ज्यान मुद्दा बिताइरहेका एकजना कैदीको मृत्यु

ABC (क्राईमबिट)
रामेछाप । जिल्ला कारागार रामेछापमा कैद जीवन बिताइरहेका एकजना कैदी बन्दीको शुक्रवार मृत्यु भएको छ । कर्तव्य ज्यान मुद्दामा पुर्पक्षको लागि कारागारमा कैदीबन्दीको मृत्यु भएको हो । रामेछापको लिखु तामाकोशी गाउँपालिका–५ का अन्दाजी ५२ वर्षीको वीरे दमाई भन्ने वीरे दर्जीको मृत्यु भएको प्रहरीले जनाएको छ । कारागारमा बसिरहेको समयमा अकस्मात पेट दुखेपछि उनलाई तत्काल उपचारको लागि जिल्ला अस्पताल रामेछापमा भर्ना गरिएको थियो । उपचारको क्रममा उनको मृत्यु भएको थियोे कारागार कार्यालय रामेछापका प्रमुख रुपलाल तामाङले जानकारी दिए । मृतक दमाईलाई कर्तव्य ज्यान मुुद्दामा रामेछाप जिल्ला अदालतले गत फागुन ४ गते पुर्पक्षको लागि कारागार कार्यालय रामेछाप पठाएको थियो । कारागारमा कैदी जीवन विताइरहेका दमाईको १ महिना १९ दिनमाणै मृत्यु भएको छ ।