ABC (क्राईमबिट)
पर्सा । बिरगंज तत्कालिन मालपोत कार्यालय प्रमुख प्रकाशप्रसाद पोखरेल र गमबहादुर विश्वकर्मा र लेखापाल नागेन्द्रप्रसाद चौधरीविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको हो ।
राजस्व हिनामिनाको आरोपमा उनीहरुविरुद्ध भ्रष्टाचार मुद्दा दायर गरिएको थियोे । अख्तियारको कार्यालयले जनाएको छ ।
तत्कालिन कार्यालय प्रमुख पोखरेलले लिखत रजिस्ट्रेसन पारित हुँदा संकलन भएको राजस्वको निरन्तर अनुगमन गर्नुपर्नेमा अनुगमन नगरी आफ्नो कार्यकाल २०७२/०७३ मा ९३ लाख ६६ हजार २ सय ९ रुपैया राजश्व हिनामिना गरेको अख्तियारको दाबी छ ।
त्यस्तै तत्कालिन कार्यालय प्रमुख विश्वकर्माले पनि आर्थिक वर्ष २०७२/०७३ मा १ लाख ४१ हजार ८ सय २५ रुपैयाँ हिनामिना गरेको अख्तियारका प्रवक्ता भोला दाहालले जानकारी दिए । त्यस्तै तत्कालिन लेखापाल चौधरीले पनि ९५ लाख ८ हजार ३४ रुपैयाँ भ्रष्टाचार गरेको प्रवक्ता दाहालको दाबी रहेको छ ।
उनीहरु विरुद्ध अख्तियार दुरुपयोग अनुसन्धान ऐन २०४८ को दफा १८ र दफा ३५ तथा भ्रष्टाचार निवारण ऐन २०५९ को दफा ३६ बमोजिम विशेष अदालत काठमाडौँमा आरोप पत्र दायर गरिएको प्रवक्ता दाहालले जानकारी दिए ।
