ABC (क्राईमबिट)
पर्सा । बिरगंज सशस्त्र प्रहरी बल सिमा सुरक्षा गुल्म बीरगन्जले ४४ लाख बराबरको अबैध कपडा र कामख्या सिन्दुर सहित पिकअप र स्कुटी नियन्त्रणमा लिएको छ । सशस्त्र प्रहरी सिमा सुरक्षा गुल्मका गुल्मपती सशस्त्र प्रहरी नायब उपरीक्षक राम जंग पाण्डेको कमान्ड ले राजस्व छली ल्याएको अबैध समान नियन्त्रणमा लिएको छ ।
भारतबाट राजस्व छली ल्याएको पिकअप भ्यानमा ल्याएको करीब १९ लाख ५१ हजार बराबरको लत्ताकपडा बीरगन्जको बैष्णो देवी मन्दिर नजिकबाट नियन्त्रणमा लिएको सशस्त्रका डिएसपी पाण्डेले बताए । अबैध समान लिएर आएको ना ५ च२८७२ नम्बरको पिकअप गाडी पनि नियन्त्रणमा लिएको जनाउनु भएको छ ।
लत्ताकपडा गाडी गरि ३२ लाख ५१ हजार रहेको छ । यसैगरी १५ लाख ४५ हजार मुल्य बराबरको कामख्या सिन्दुर र भारतीय नम्बर बिआर ०५ एयु ५८९६ नम्बरको स्कुटर पनि नियन्त्रणमा लिएको डिएसपी पाण्डेले जानकारी दिनु भएको छ । सशस्त्र प्रहरीको गस्तीमा भन्सार कार्यालय को नायव सुब्बा कृष्ण प्रसाद आचार्य को टोली पनि रहेको थियो ।
