ABC (क्राईमबिट) जनकपुर । मधेस प्रदेश प्रहरी कार्यालय जनकपुरका प्रमुख डिआईजी जनक भट्टराईद्वारा जिल्ला प्रहरी पर्साको कार्यालय भवन,हिरासत कक्ष, विभिन्न शाखाहरुको निरीक्षण र पर्सा जिल्ला मातहत प्रहरी प्रमुखहरुलाई डिआइजी भट्टराईले नागरिक मैत्री प्रहरी भएर काम गर्न आवश्यक निर्देशन दिनु भएको छ ।
निर्देशन सम्बोधनको क्रममा अवैध भन्सार चोरी निकासी पैठारीको प्रभावकारी नियन्त्रण गर्न व्यापक रुपमा प्रहरी परिचालन गर्ने, सिमानाकामा रहेका प्रत्येक प्रहरी युनिटहरुको निरीक्षण तथा कार्यसम्पादन अनुगमन, जाली नोट तथा हुण्डी कारोवार नियन्त्रण, मिटर ब्याज नियन्त्रणलाई प्रभावकारी बनाउने, संगठित अपराध तथा अपराधिक गतिविधी नियन्त्रण, अपराधिक गतिविधी नियन्त्रणमा उच्च प्राथमिकताका साथ नविनतम प्रविधिको प्रयोगलाई निरन्तरता दिने बताएका छन् ।
