ABC (क्राईमबिट)
राजबिराज । मधेस प्रदेश प्रहरी तालिम केन्द्र जनकपुरमा मिति २०८० बैशाख १० गतेबाट संचालित २६ कार्यदिन अवधिको अपराध अनुसन्धान तथा नियन्त्रण (प्र.ज. देखि प्र.व.ह.) तालिम नवौँ समुहको जेष्ठ १० गते यस तालिम केन्द्रका समादेशक प्रहरी वरिष्ठ उपरीक्षक एसएसपी ईश्वर कार्कीको प्रमुख आतिथ्यतामा एक कार्यक्रमका बिच समापन गरिएको छ ।
उक्त कार्यक्रममा तालिम संयोजक प्र.नि.मेदनी प्रसाद साहले तालिम सम्बन्धि प्रतिवेदन प्रस्तुत गर्नु भएको थियो भने प्र.ना.नि. सुरज खवासले कार्यक्रम संचालन गर्नु भएको थियो ।
उक्त कार्यक्रममा प्रमुख अतिथिले सहभागी प्रशिक्षार्थीहरुलाई प्रमाण पत्र, वितरण गर्नुका साथै सफलतापूर्वक तालिम सम्पन्न गर्नुभएकोमा बधाई दिनु भई तालिममा सिकेका ज्ञान, सीप र कौशललाई कार्यक्षेत्रमा कार्य सम्पादन अब्बल भएर गर्न निर्देशन दिनुभएको थियो ।
