(बिदुर एमसी)
दाङ । भालुवाङ्ग राप्ती गाउँ पालिकाले आफ्नो क्षेत्रका ९३ जना किसानहरुलाई दुधबोक्ने स्टिलका केन ( डल्लु ) वितरण गरेको छ ।
कूल रकमको ७५% अनुदानमा ती डल्लूहरु वितरण गरिएको पालिका अध्यक्ष प्रकाश बिष्टले बताए ।
प्लास्टिकका भाँडाकुँडामा दुध राख्दा सफा गर्न नमिल्ने भएको कारण त्यसबाट मानव स्वास्थ्यलाई खराब गर्ने हुनाले त्यस समस्याबाट केही मात्रामा भए पनि छुटकारा हुने उद्देश्यले किसानलाई त्यसरी स्टिलका केनहरु वितरण गर्नुपरेकाे अध्यक्ष बिष्टले स्पष्ट पारे ।
मंगलबार अपरान्ह किसानहरुलाई पालिका परिसरमा ती डल्लूहरु वितरण गरिएको थियो । त्यसरी स्थानीय सरकारबाट डल्लू प्राप्त गरेपछि किसानहरु हर्षित मुद्रामा देखिएका थिए ।
