(ABC-Sanchar)
पर्सा । बिरगंज महानगरपालिकाका उप-मेयर इम्तियाज आलमले बिहानको समय बिरगंजमा भइ रहेको विकास निर्माणको अनुगमन तथा जनगुनासो सुन्नका लागि बिहानको समयको सदुपयोग गर्न सुरु गरेका छन् ।
उप-मेयर इम्तियाज आलम सम्बन्धित शाखाका कर्मचारी र सचिवालयको टिमसहित हरेक बिहान अनुगमनमा निस्कन्छन् । उप-मेयर आलम बिहान ६ देखि साढे ९ बजे सम्मको समय अनुगमनका लागि छुट्याएका छन्। उनले अनुगमनमा हिंड्दा जनताका समस्या र गुनासो सुन्नुका साथै सुझावसमेत लिने गरेका छन् ।
“दिउँसो कार्यालय र कार्यक्रममा व्यस्त हुने भएकाले बिहानको समयमा अनुगमन गर्ने गरेको छु उप-मेयर आलमले बताए यसले जनतासित भेटघाटसँगै उहाँहरूका समस्या र गुनासो सुन्नुका साथै सुझावसमेत लिने गरेको छु ।उप-मेयर आलम हरेक दिन बेग्लाबेग्लै वडाको अनुगमन गर्ने गरेका छन्।अनुगमनमा जाँदा सम्बन्धित वडाका अध्यक्षसहित जनप्रतिनिधिलाई समेत सहभागी गराउँदै आएका छन् ।
बिहान अनुगमन गर्दा धेरैवटा काम हुँदो रहेछ उप-मेयर आलम भन्छन्, मर्निङवाक त हुने नै भयो । त्यसबाहेक सरसफाइ कर्मचारीहरूले रोड सफा गरेका छन् कि छैनन्, निर्माण भइरहेका संरचनामा पानी हालेको छ कि छैन जस्ता धेरै कुराहरू थाहा हुने रहेछ । बिरगंज महानगरले बिरगंजलाइ सफा, सुन्दर, उज्यालो, व्यवस्थित र विकसित बनाउने अभियान जारी राखेको छ। यसै सन्दर्भमा उप-मेयर आलमले आज बिरगंज महानगरपालिका अन्तर्गत वडा नं २६ मा बिकास कार्यको अनुगमन गरेका छ्न ।
वडा नं २६ का वडा अध्यक्ष शम्भु मिश्रा लगायत जनप्रतिनिधिको साथमा वीरगन्ज महानगरपालिका वडा नं 2६ मा बिकास निर्माण भइरहेको वडा समितिको भवन,बर्थिङ सेन्टर र विभिन्न सडक तथा नालाहरुको स्थलगत अनुगमन गरेका छन।निर्माण कार्य गरिरहेका ठेकेदार कम्पनीलाई निर्देशन दिदै उनले निर्माण भइ रहेको सडक,भवन आदि सहि तरिकाले काम गर्न भनेका छन।निर्माण कार्य कुनै पनि बहानामा कसैले रोक्न नहुने तथा समय मै सम्पन्न गर्नु पर्ने उप-मेयर आलमले बताए ।
२६ नं वडाका वडा अध्यक्ष शम्भु मिश्राले वडा अन्तर्गत विभिन्न निर्माण कार्यहरु भइ रहेको तथा यसलाइ राम्रो काम र चाडो भन्दा चाडो सकाउ हामी सम्पुर्ण वडा बासी लागि परेको बताए।
अनुगमनको क्रममा महानगरपालिकाका कर्मचारी , स्थानिय जनप्रतिनिधि तथा उप-मेयरका स्वकीय सचिव शेष हजरा लगायत पत्रकार राहुल गुप्ताको पनि उपस्थिति रहेको थियो।
