(ABC-Sanchar)
दाङ । घोराही १५ स्थित बुद्ध हस्पिटलमा पित्त थैलिमा रहेको पत्थरिको अप्रेसन भएकि एक जना बिरामीको मृत्यु भएको छ ।
घोराही १४ स्थित कमला बिकको पत्थरि अप्रेसन गर्नेक्रममा मृत्यु भएको हो । बिरामीका आफन्तहरुले भने चिकित्सकको लापरबाहिका कारण मृत्यु भएको गुनासो गरेका छन । मृतकका आफन्त केशब नेपालिले हस्पिटलको लापरबाहीका कारण बिरामीको मृत्यु भएको दाबी गरे ।
तर अस्पतालका कर्मचारी रसिल थापाले बिरामीको हृदयघातका कारण मृत्यु भएको दाबी गरे ।
अप्रेसन गरेर सफल भएको बिरामी राम्रो बोलचाल पनि गर्ने गरेको, तर, एक्कासि बिरामी हृदयघातकै कारण मृत्यु भएको उनले बताए । मृतकको आफन्तको तर्फबाट हस्पिटलमा बार्ता गरि रहेका केशबले बिरामिको अप्रेसन गर्ने चिकित्सकको लाईसेन्सको खारेजी हुनु पर्ने माग गरिएको बताए ।
