(ABC-Sanchar)
महोत्तरी । जयनगर जनकपुरधाम कुर्थासम्मको ३५ किलोमिटरमा १५ महिनादेखि सञ्चालनमा हुँदै आएको रेल सेवा अब थप १७ किलोमिटरसमेत गरी ५२ किलोमिटर लामो दूरीमा सञ्चालन हुने भएको हो । दोस्रो चरणको भौतिक पूर्वाधार निर्माण भइसकेपछि सेवा पछि भौतिक पूर्वाधार तथा यातायातमन्त्री प्रकाश ज्वालाले आज थप १७ किलोमिटरमा संचालन हुने रेल वे सेवाको आज शुभारम्भ गर्दै छन् । जग्गाको मुआब्जा विवादको कारण तेस्रो चरणको बिजलपुराबाट बर्दिबाससम्मको रेलवे पूर्वाधार निर्माण कार्य भने रोकिएको छ। सत्र किलोमिटर भागको निर्माण सम्पन्न भएपछि भारतको इरकन कम्पनी लिमिटेडले नेपाल रेल्वे कम्पनीलाई गत जेठ १८ गते हस्तान्तरण गरेको थियो ।
