ABC (क्राईमबिट)
पर्सा । बिरगंज सशस्त्र प्रहरी बल नेपाल प्रस्तावित सीमा सुरक्षा गुल्म वीरगञ्ज र प्रहरी चौकी ईनर्वाबाट खटिएको सयुँक्त टोलीले वीरगञ्ज महानगरपालिका वडा नम्बर १६ स्थित भन्सार क्षेत्रबाट १ जनालाई पक्राउ गरेको हो ।
भारतबाट नेपालतर्फ आउँदै गरेको ना २१ प् ५६९४ नम्बरको मोटरसाइकल रोकेर चेकजाँच गर्ने क्रममा वीरगञ्ज महानगरपालिका वडा नम्बर १४ निवासी ३२ वर्षीय कैशर अली अन्सारीको साथबाट प्रतिन्धित लागूऔषध फेला परेको सशस्त्र प्रहरी नायब उपरीक्षक (डिएसपी) रामजंग पाण्डेले जानकारी दिए ।
डिएसपी पाण्डेकाअनुसार अन्सारीले चलाएको मोटरसाइकल चेकजाँच गर्दा हरियो प्लाष्टिकको झोलाभित्र लुकाईछिपाई ल्याउँदै गरेको अवस्थामा एक सय एमएलको ७६ बोत्तल विनसेरेक्स फेला परेको हो ।
बरामद भएको लागूऔषध र मोटरसाइकलसहित पक्राउ परेका अन्सारीलई आवश्यक अनुसन्धानको लागि प्रहरी चौकी ईनर्वामा बुझाइएको डिएसपी पाण्डेले बताए ।
