(ABC-Sanchar)
बुटवल । पाल्पाका तिनाउ, निस्दी, अरुण, कचल, झुम्सालगायतका खोलामा ठूलो बाढीसमेत आएको छ ।
सोमबार रातिदेखिको वर्षाले पाल्पाको अन्नभण्डार मानिने माडी फाँट र बाँसटारी क्षेत्रको सयौँ रोपनी खेत डुबानमा परेको स्थानीयले बताए । माडी फाँट क्षेत्रमा अविरल वर्षाका कारण ताल बनेको छ ।
माडी फाँट क्षेत्रमा तानसेन नगरपालिका, बगनासकाली, माथागढी क्षेत्रका २ हजार रोपनीभन्दा बढी धान खेत डुबानमा परेको तानसेन नगरपालिका–९ का वडाध्यक्ष राजेश कुमार अर्यालले बताए ।
पाल्पाको निस्दी, पूर्वखोलामा यसवर्षकै सबैभन्दा ठूलो बाढी आएको छ । पूर्वखोलाका मोहन ढकालका अनुसार यसवर्षकै सबैभन्दा ठूलो बाढी पूर्वखोला आएको छ । बाढीले खोला तटीय क्षेत्रमा कटान गरेको छ ।
