(सागर थापा)
दाङ । समुदाय प्रहरी साझेदारी कार्यक्रम अन्तरगत घोराही उपमहानगरपालिका वडा नं. १५ स्थित जिल्ला समन्वय समितिको सभाहलमा प्राज्ञिक विद्यार्थी परिषद नेपाल घोराही दाङको आयोजना तथा परिषदकी कार्यक्रम संयोजक सरिता शर्माको अध्यक्षता जिल्ला प्रहरी कार्यालय दाङका कार्यालय प्रमुख प्रहरी उपरीक्षक वीर बहादुर ओलीको प्रमुख आतिथ्यता,
प्राज्ञिक विद्यार्थी परिषद नेपालका राष्ट्रिय सह- संगठन सचिव रमेश कडेल, परिषदका केन्द्रिय सदस्य शरद शर्मा, परिषदको लुम्बिनी प्रदेश व्यवस्थापन प्रमुख सुबेन्द्र यादव लगायतको आतिथ्यता एवं घोराही स्थित बिभिन्न क्याम्पस तथा बिद्यालयमा अध्ययनरत बिद्यार्थीहरुको सहभागितामा संचालित जीवन उपयोगी सिपमा आधारित द्वि- दिवसीय व्यक्तित्व एवं क्षमता अभिबृद्धी तालिम कार्यक्रममा
जिल्ला प्रहरी कार्यालय दाङका कार्यालय प्रमुख प्रहरी उपरीक्षक वीर बहादुर ओलीले लागू औषध, बाल बिबाह, बहु बिबाह, साईबर अपराध, आत्महत्या, जातिय छुवाछुत, लैंगिक हिंसा, चोरी लगायत
अपराध रोकथाम तथा नियन्त्रण सम्बन्धमा सचेतनामूलक प्रशिक्षण दिनुको साथै अपराधबाट टाढा रहन, सवारी साधन चलाउदा तथा बाटोमा हिड्दा बिशेष ध्यान दिन, कुनै पनि स्थानमा कुनै पनि प्रकारको घटना भएमा प्रहरीलाई खबर गर्न अनुरोध गर्नु भएको ।
