ABC (क्राईमबिट)
बारा । सशस्त्र प्रहरी नेपाल बाराले आज बच्चा चोरी गरी भारततर्फ लैजादै गरेको २२ बर्षे ताबरेज आलमलाई पक्राउ गरेका हो ।
बारा देवताल गाउँपालिका वडा नम्बर ३ नन्की अमुवा बस्ने शिवपुजन महत्तोको ९ महिनाकी छोरी लक्ष्मी महत्तो र प्रेमचन्द्र महत्तोको छोरा २ बर्षे सत्यम कुमार महत्तोलाई पुर्वीचम्पारण मुर्तिया ग्रामपन्चायत ४ आधापुर बस्ने आलमलाई सशस्त्र प्रहरी बल नेपाल नम्बर १२ गण हेक्वा बारा मातहत बिओपी दक्षिणझिट्कैयाले नियन्त्रणमा लिएको छ ।
सशस्त्र प्रहरी उपरीक्षक (एसपी) टोप बहादुर डाँगीले भने “आलमले चोरी गरी बोरामा राखी भारत तर्फ लैजाने क्रममा बच्चाहरु रोएको आवाज सुनि सशस्त्र प्रहरी नायव निरीक्षक मिलन श्रेष्ठको कमाण्डमा खटिईगएको टोलीले शंका लागी चेक जाँच गर्दा बोरामा बच्चाहरु फेला परेको हो ।” एसपी डाँगीले भने “बच्चाहरुलाई उद्धार गरी निजका अभिभावकलाई जिम्मा लगाईएको र चोरी गर्ने व्यक्तिलाई नियन्त्रणमा लिई आबश्यक कारबाहीका लागि प्रहरी चौकी देवापुर बारामा बुझाईएको छ।”
