(ABC-Sanchar)
बाँके । नेपालगन्ज उपमहानगरपालिकाका मात्रै नभई अन्य असहायलाई सेवा दिएको उक्त कामको जिम्मेवारी पाएका कलिम राई बताउ“छन् । उनका अनुसार, एक महिनाको अवधिमा करिब ५० जनाले सेवा लिइसकेका छन् ।
‘नगरभित्र मात्रै होइन कोही असाध्यै गरिब र असहायले अनुरोध गर्दा नगर बाहिरसम्म सेवा दिएका छौं ।’ राईले भने । उनले आफुहरुले २४ सै घण्टा सेवा दिइरहेको पनि बताए । नेपालगन्ज उपमहानगरपालिकाले गत साउन १ गतेबाट २४ सै घण्टा निःशुल्क एम्बुलेन्स सेवा सुरु गरेको थियो ।
गरिब, असहाय, प्रसुती सेवा लिने महिला, अपांगता भएका, जेष्ठ नागरिक र आकस्मिक सेवाका बिरामीलाई घरदेखि अस्पतालसम्म पु¥याउन गरिएको सेवाबाट धेरै जना लाभान्वित भएकोमा नेपालगन्ज उपमहानगरपालिकाका प्रमुख प्रशान्त बिष्टले खुसी व्यक्त गरेका छन् । बिष्टले बिरामीहरुको अस्पतालसम्म सरल र सहज पहुँचका लागि निःशुल्क एम्बुलेन्स सेवा सञ्चालन गरिएको बताए ।
‘अस्पतालसम्म पुग्न बिरामीले कुनै कठिनाई भोग्न नपरोस् भन्ने उद्देश्य हो, स्थानीय सरकार जनताको सुख दुःखमा सँगसँगै हुनुपर्दछ भन्ने हाम्रो मान्यता हो,’ उनले भने, ‘चौबिसै घण्टा उपमहानगरपालिकाको कार्यालयभित्र एम्बुलेन्स स्ट्याण्डबाई रहन्छन्, हामीले प्रदान गरेको मोबाइल नम्बरमा सम्पर्क गरेपछि बिरामीलाई समयमै अस्पताल पु¥याउने व्यवस्था गरेका छौ“ ।’
हाल नेपालगन्ज उपमहानगरपालिका कार्यालयभित्र ३ वटा एम्बुलेन्स स्ट्याण्डबाई रहनेछन् । नेपालगन्जमा २० वटा एम्बुलेन्स सञ्चालनमा रहेका छन् ।
