ABC (क्राईमबिट)
बिराटनगर । उमाकान्त भगतले विराटनगर महानगरपालिका–९ स्थित ठाकुरबारी रोडमा सञ्चालन गरेको किराना पसलबाट सशस्त्र प्रहरी बल सीमा सुरक्षा गुल्म रानीको टोलीले बरामद गरेको जनाएको छ। खुला सीमाको फाइदा उठाउँदै चोरीको बाटो प्रयोग गरी ल्याइएको १२ सय ७५ केजी मटर बरामद गरेको सशस्त्र प्रहरीले जनाएको छ।
क्यारिङमार्फत चोरीको बाटो हुँदै मटर ल्याएर भगतले विराटनगरमा भण्डार गर्दै झापा, मोरङ र सुनसरीका बजारमा पठाउने गर्ने गरेको बताइएको छ। भगत थोक व्यापारी हुन्। उनले गोदाममा अवैध मटर राखेको सूचनाका आधारमा छापा हानेको र उक्त मटरको बजार मूल्य ५७ हजार ३ सय ७५ रुपैयाँ बरावरको रहेको सशस्त्र प्रहरीले जनाएको छ।
बरामद गरिएको मटर विराटनगर भन्सार कार्यालयमा बुझाएको सशस्त्र प्रहरीले जनाएको छ।
