३० आषाढ २०८१, आइतबार
14-07-2024 , Sun
×

सर्लाहीको २८ वर्षीय पत्रकार अभिषेक यादवको मोटरसाइकल दुर्घटनामा मृत्यु

Logo
प्रकाशित सोमबार, भाद्र २५, २०८०


(ABC-Sanchar)
सर्लाही । धनकौल-४ महिनाथपुर घर भएका २८ वर्षीय पत्रकार अभिषेक यादवको मोटरसाइकल दुर्घटनामा परी निधन भएको छ । बाग्मतीमा भएको नेकपा माओवादी केन्द्र निकट दलित सङ्गठनको प्रदेश भेलाको रिपोर्टिङ गरेर शनिवार घर फर्किने क्रममा बरहथवा – ८ टाँडी, गर्जाहा पुलमा यादव सवार मोटरसाइकल दुर्घटना हुँदा टाउकोमा गम्भीर चोट लागेको थियो ।

यादवलाई उपचारका लागि एलएस न्युरो अस्पताल परवानीपुरमा भर्ना गरिएकोमा उपचारकै क्रममा आइतबार निधन भएको इलाका प्रहरी कार्यालय बरहथवाका डिएसपी लिलाराज लामिछानेले जानकारी दिए ।

यादव सवार मधेस प्रदेश ०३-०२८ प ७४९६ नम्बरको मोटरसाइकलसँग विपरीत दिशाबाट तीव्र गतिमा आउँदै गरेको बिआर ३० एक्स ८९८८ नम्बरको भारतीय नम्बर प्लेटको मोटरसाइकल ठोक्किएको थियो ।

यादव प्रेस सेन्टर जिल्ला समन्वय समिति सर्लाहीका सदस्य हुन । उनी जिल्लाका विभिन्न रेडियोमा क्रिकेट प्रतियोगीताका बेला कमेन्ट्रि गर्थे भने विभिन्न अनलाइन तथा पत्रिकामा रिपोर्टिङ गर्थे ।

यादव सवार मोटरसाइकललाई ठक्कर दिने भारतीय नम्बर प्लेटको सवारी चालक बरहथवा १७ का ३७ वर्षीय रामजनक चौधरीलाई प्रहरीले नियन्त्रणमा लिएको छ । दुर्घटनामा सामान्य घाइते भएका चौधरीको स्थानीय मेडिकलमा उपचार गरिएको थियो ।

कमेन्ट गर्नुहोस्
सम्बन्धित

  दाङ । राप्ती गाउँपालिका वडा नम्बर १ भालुबाङमा मिनि ट्रकको ठक्करबाट गढवा गाउँपालिका वडा नं १ निवासी ऐरावती आदर्श बहुमुखी क्याम्पसका सायक प्रसाशक सन्तोष कुमार योगीको मृत्यु भएको ईलाका प्रहरी कार्यालय भालुबाङले जनाएको छ । पश्चिमबाट पुर्व जाँदै गरेको रा १ ख २०६३ नम्बर को मिनी ट्रकले पुर्बबाट पश्चिम जादै लु १४ प ४१९९ […]

(महेन्द्र सिंह )                                                                    नेपालगन्ज उपमहानगरपालिका-२० मनिकापुरस्थित सडकमा मोटरसाइकल दुर्घटना हुँदा चालकको मृत्यु भएको छ । नेपालगन्जबाट कोहललपुरतर्फ जाँदै गरेको बा.५५ प २२६० […]

(ABC-Sanchar) काठमाडौं । मध्यपहाडी लोकमार्गअन्तर्गत सिन्धुलीको गोलन्जोर गाउँपालिका–१ को कुँडुलेमा गएराति पहिरो खस्दा ट्रक पुरिएको छ । बुधबार बिहान एक्कासि लेदोसहितको पहिरो खस्दा प्रदेश २ –०३–००१ ख– ७१४४ नम्बरको ट्रक पुरिएको हो । ट्रकचालक पर्सा परवानीपुरका २५ वर्षीय रोशन पटेल सकुशल रहेका छन् । लगातारको वर्षापछि खसेको पहिरोका कारण मध्यपहाडी लोकमार्गको खुर्कोट–घुर्मी खण्डको कुँडुलेमा लेदोसहितको […]