(ABC-Sanchar)
दाङ । जिल्ला प्रशासन कार्यालय दाङमा फोरलेन सडक मर्मतमा भैरहेको ढिलाईका विषयमा छलफल भयो । घोराही उपमहानगरपालिकाका प्रमुख श्री नरुलाल चौधरी ज्यूले छलफलमा बुँदागतरुपमा राखेका बिषयहरु यस्ता छन् ।
१. कामै नहुने बर्षायाममा मर्मतको नाममा नागरिकलाई सास्ती र राज्यको रकम बर्बाद पारेको ।
२. खाल्डा पुर्ने नाममा चौघेरा गेट देखि बबई खोला सम्म सडक छेउमा खाल्डो बनाएर पासो थापेको । आफुले ति खाल्डोहरु तत्काल पुर्न जिल्ला प्रशासन र सडक डिभिजनलाई भने पनि अटेरी गर्दा ध्यानआकर्षण गराएको ६ घण्टा बित्न नपाउदै त्यो खाडलमा परेर साइकल यात्रीको मृत्युभएको ।
३. काम एक हप्तामा सक्छु भनेर सूचना जारी गर्ने तर कामै नगरेर नागरिकलाई सास्ती दिएको प्रति कडा आपत्ती ।
४. सडक मर्मतको नाममा हाइवेय नै बन्द गर्दा बैकल्पीक सडक चौघेरा डवरी सडक भताभुंग भएको त्यो सडक पनि बनाउन सडक कार्यालय र ठेकेदार कम्पनीको ध्यानआकर्षण ।
५. अबको २ दिन भित्र ति सबै खाल्डाहरु पुर्न आग्रह ।
६. अब सडक मर्मतको काम गर्दा हाइवेय बन्द नगर्न र वानवेय सञ्चालन गरेर काम गर्न सुझाब ।
