(ABC-Sanchar)
बाँके । जिल्ला प्रशासन कार्यालय बाँकेले सूचना जारी गर्दै आज बिहीबार बिहान ८ बजेदेखि बेलुकी ८ बजेसम्म कर्फ्यू हटाइएको जानकारी दिएको हो । त्यसपछि बेलुकी ८ देखि शुक्रबार बिहान ६ बजेसम्म भने पुनः कर्फ्यू लाग्ने सहायक प्रमुख जिल्ला अधिकारी टोपेन्द्रबहादुर केसीले जानकारी दिए ।
बिहीबारका लागि नेपालगञ्ज उपमहानगरपालिका क्षेत्रभित्र कुनै पनि किसिमका सभा बैठक वा प्रदर्शन गर्न, पोष्टर–पम्प्लेट टाँस्न र हुलदंगा वा अशान्ति मच्चाउने उद्देश्यले एकै ठाउँमा पाँचजनाभन्दा बढी जम्मा हुन नपाउनेगरी निषेधाज्ञा जारी गरिएको छ ।
जिल्ला सुरक्षा समितिको बैठक अहिले पनि जारी छ । बिहीबारको अवस्थालाई हेरेर शुक्रबारका लागि निर्णय गर्ने केसीले बताए। मंगलबार हिन्दु र मुस्लिम समुदायबीच तनाव बढेपछि स्थानीय प्रशासनले नेपालगञ्जमा कर्फ्यू लगाएको थियो।
