ABC (क्राईमबिट)
काठमाडौं । बेलायत सरकारको निमन्त्रणामा असोज २२ गतेदेखि २६ गतेसम्म आयोजना हुने सुरक्षा र न्याय सुदृढीकरणका लागि एकीकृत कार्यक्रम (फेज-२० विषयक कार्यक्रममा सहभागी हुन शनिबार आइजिपी कुँवर नेतृत्वको टोली बेलायत प्रस्थान गरेको हो।
आइजिपी कुँवरसँगै प्रहरी नायब महानिरीक्षक (डिआइजी) विष्णुकुमार केसी, प्रहरी वरिष्ठ उपरीक्षक(एसएसपी) द्वय दानबहादुर कार्की र शेखर खनाल बेलायत गएका हुन्।
उनीहरूलाई प्रहरी अतिरिक्त महानिरीक्षकहरू, प्रहरी नायब महानिरीक्षकहरू लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थल गौचरमा शुभकामनासहित बिदाइ गरेका थिए।
